mandag, oktober 27, 2008

Eit lite døgn!

Ja, så lite tid er det igjen før Simone og eg set oss på flyet til Noreg! Eit lite døgn. Det er nesten for utrulig til å vere sant. Eg gleder meg. Gleder meg til vakker norsk natur, oversiktlig trafikk, kjende butikkar, forståelig helsevesen… Men mest av alt gleder eg meg til å få treffe familie og vener og forsamling igjen, og la farmor, farfar, mormor, morfar og alle tanter og onklar og søskenbarn få bli kjent med Simone!

Men eg er spent på flyturen: to flyskifter, 12-13 timer på reise, eg med stor mage og kynnarar og propellen Simone. Vi reiser 23.50 norsk tid frå Abidjan, landar tidlig morgon i Paris, har knappe to timar på oss å finne neste fly til Amsterdam, og i Amsterdam er det 50 minutt til flyet til Kristiansand går.

No om dagane ligg temperaturen i Abidjan på 30 grader, i Kristiansand (som eg skal vere i i drøye to veker før eg reiser til Sunnmøre) er vel gradestokken på 10 og mindre enn det. Det er faktisk 20 grader forskjell! Er veldig spent på korleis vi taklar det.

Eg var til svangerskapskontroll på fredag, og når ho undersøkte meg, vart legen visst bekymra for for tidleg fødsel. Så eg må roe ned tempo og aktivitet betraktelig. Så denne helga , som var planlagt til gåve – og souvenirkjøp, har blitt tilbrakt i ro.

Så, du som ber, kan du be om at flyreisa må gå bra? At vi må treffe hjelpsomme folk, at Simone søv på natta, at eg ikkje har for mykje kynnarar, og at vi må rekke alle flya?

Elisabeth

2 kommentarer:

Inge sa...

All mulig lykke til på turen hjem til Norge! Vi skal være med å be for dere på hjemturen!

Hilsen fra oss i Sebenikoro

Bente sa...

God tur begge to!! Skal være med å be for dere! Ellers kan jeg si at ti grader var å ta litt hardt i... på morgenen i dag var det 1 grad;) velkommen til Norge!!!